تبلیغات

محمد نشمي علي الرشيدي



شعراء المحمره
 

الشاعر ابو موعود الرشيدي

الشاعر ابو موعود قاسم بن عبدالحسين الرشيدي التميمي: شاعر من شعراء خوزستان ولد في خرمشهر (المحمرة) سنة 1966 ميلادي اكمل فيها دراسته الابتدائية هاجر الى مدينة رامشير و استمر في دراسته بها، ارتبط بثلة من محبي الشعر الشعبي في تلك المدينة. ثم عاد شاعرنا الى مسقط راسه بعد خمود الحرب و انتمى الى الهيئة العدنانية و اصبح عضوا فعالا يشارك بما جادت به قريحته الجياشة من الشعر في المناسبات الدينية. يعد من الشعراء المجيدين فهو شاعر جمیل المعنی رقیق الکلمات قوي التعبیر فقد رفع الشعر عالیا خفاقا في سموات الادب باستعماله الصور الشعرية الجميلة و یملک حس ظریف یعبر عن ظرافة احساسه و قدرة تصوره و وسعة نظره فی نظم الشعر و لذلك شعره الحافل بالجمال و العطاء و حسن النسج و الخلود اصبح یردد على لسان خدام المنبر الحسینی. كتب في جميع مجالات الشعر و تتطرق الى جميع اوزانه كالميمر و الابوذية و القصيدة و الموال و غيرها من الاوزان و برع في الشعر الحسيني لحبه لاهل البيت عليهم السلام و عشقه لمسيرتهم الطيبة.

نبذة عن حياة ابو موعود الرشيدي

قاسم بن عبدالحسين الرشيدي التميمي: شاعر من شعراء خوزستان و هو شاعر مجيد ولد في خرمشهر (المحمرة)سنة 1966 ميلادي في منطقة المجاورة لمحطة القطار اكمل فيها دراسته الابتدائية و في تلك الايام اندلعت الحرب العراقية الايرانية المفروضة على بلاده و هاجر مترجمنا الى مدينة خلف آباد و استمر في دراسته و كون صداقة جديدة مع مجموعة شباب المهاجرين المتواجدين في الك المدينة و اهل المنطقة و من خلاب هذه الصداقة الدراسية كانت هذه الثلة من الشباب يكتبون و يستمعون الشعرالشعبي و يعرضونه و يتبادلونه فيما بينهم.

الهجرة من الحرب جمعت مجموعة من الشعراء الشعبين: منهم شعراء عشيرة القيم المعروفين و مجموعة من حفاظ و رواة الشعر الشعبي و كذلك نقاد الشعر . ثم عاد شاعرنا الى مسقط راسه بعد ما وضعت الحرب اوزارها و مباشرة انتمى الى الهيئة العدنانية و اصبح عضوا فعالا يشارك بما جادت به قريحته الجياشة من الشعر في المناسبات الدينية التي تقام على السيرة الدايمة .

و كانت المدرسة العدنانية الناقدة المطلة على عالم الابداع و هذا ما يحتاجه كل ذي موهبة لصلقها و الارتفاع بها الى المستوى الانتاج الفني الناضج حيث تلقى منها و على رأسها و مقدمتها سماحة الاديب الفاضل اية الله الحاج سيد علي العدناني الغريفي مستلزمات التطوير فتخرج منها و لا يزال فيها خادما مخلصا لاهل البيت علهم السلام و سلاحه الكلمة الهادفة التي توقظ العقول و الللفظة الشفافة التي تداعب من حس مرهف و ذوق رفيع و عدة لغوية مهذبة حتى استحق قول الشاعر الاديب كاظم سلمان الخاقاني (احد شعراء النجف الاشرف )فيه:

اذا ما رمت انس المستفيد****و لحنا مطربا من غير عود

تطير على بساط الريح فيه****و تبلغ عالم الافق البعيد

و تسبح في بحار الحب فلكا****يسير على هدى القلب العميد

و تنهل من عيون الشعر عذبا****و تهتف ضاميا هل من مزيد

و تنظر و الليالي مشرقات****تراث الاهل في ثوب جديد

و تشرب خمرة منه حلالا****عليك بشعر قاسمنا الرشيدي

لعل ابرز ما قدمه شاعرنا مساهمات ملحوظة و مشاركات واسعة في النوادي الشعرية في شتى المناسبات الدينية و الشعبية و الوطنية فتحت له ابواب التطوير على مصراعيها و منها كتابة الشعر في اغناء المنبر الحسيني و قصائده التي تبعث روح التجديد في المنبر جنبا الى جنب مع كوكبة من شعراء المدينة الذين تعاهدوا على اعطاء دم جديد للقصائد الحسينية التى تؤرخ مصائب اهل البيت عليهم السلام بالعبارة الصادقة و في هذا الاطار لا ننسى لقائه و منادمته مع كبار الشعراء منهم الشاعر سيد سعيد الصافي الرميثي و الشاعر ابومحمد المياحي و الشاعر ابوخديجة العگیلي و الاديب كاظم سلمان الخاقاني و..... الذين سمعوا الكثير من القصائد و اصبح بينهم من ابرز الشعراء و خدمة اهل البيت عليهم السلام فحصلت لشاعرنا المترجم عبر هذه اللقائات مع المجموعة الكبيرة و النخبة الكريمة من شعراء و ادباء اهل البيت عليهم السلام المذكورة اسماء هم هذه الموهبة الحسينية ليصبح عريفا ناجحا لادارة الندوات و الحلقات كما ليكون مديرا فعالا لاداء تقديم البرامج عبر شاشات التلفاز و المذياع فتشكر لشاعرنا هذه الجهود المتواضعة التى يبذلها في سبيل العقيدة و الدين. و اما قصائده فقد اخذت طريقها الى المنبر الحسيني ينشدها بعض الخطباء و الرواديد بإنتظام يساعدهم على استمرار بها بساطة الالفاظ و جودة المعاني و صدق المشاعر. فالشاعر المحب المخلص لاهل البيت عليهم السلام اصدق ما يكون حين يقول: "يا ليتنا كنا معكم".

من شعره:

مقطوعة فی حق الحسین (ع) 

لو لا شخصك ياحسين نچان ربك ما خلگ مخلوگه

غيرت ون الحمام بهالمجيي مطرب الجيتك نخلنه و رگصيت عثوگه

يا غرام و نده النايم عالورود منك عطور الورد مسروگه

يا نغم سافر علجناح الرياح و بهواك الصب عشگ معشوگه

يا طعم برحي و عسل و احلي الحلاة الزعفران انت حلاته و ذوگه

انت يا سوگ المراجل يا حسين و الله لولاك العزم راح و تعزل سوگه

انت من طبيت ساحات النضال ، شفنه خصمك و البطن مطروگه

انت حگ و يمنتك تطلع حگوگ دين طاها ابدمك الزاچي طلعت حگوگه

يا قصيدة مطرزه بلون النضال و النضال تضل دماك الجاريه اويه عروگه

شگد چثيره العادتك رادت فناك لاچن بچفين اخوك احلوگ ضلت للخصم مشگوگه

يا دليل امضوي بدروب الظلام و يلي جدمك يسحگ دروب المهي مسحوگه

امنين انت و شنهو نوعك يا حسين و ليش هيچي العبره حتي بمولدك مخنوگه 

وله ايضا:  

انت بالدم وسـمّت صدر الزمـان****وآيـة الايـــثار صارت آيتك  

روس ننطي وموش بس ننطي الچفوف****الروس كلها تروح فدوه الهيبتك  

و له ايضا:  

ام الرضیع.....

خل نشد ظعن النواعی ونگصد انواسی الرباب

فوگ برگعهه وستـــــرها اشلون تنثر بالترباب

********

من طلع ضعن ابوالیمه وچان سلطانه الحسین

وهاشم سباع الحریـــبه اویه الضعن متحزمین

چانت بهیبه الحرایر والحمه اللیــوث العریــــن

چانن بعزه وجلا له ومکرمه وهیـــــبه وحجاب

********

بیاه ابوا لیمه واخوته بها الأوضاع من الصبا

عاشن بعــــــــــزه وجلاله وربن بحضان الإ با

چن اشوفه اختار قــلمي ویا وصف مایکــتبه

منهن اختار العــزیزه بإذن من سیــــد الشباب

********

هاک اخذصورة خیالي وشوف وضع ام الرضیع

وطبعاً الرایح ولیـــــــــــــها تنسبی وحتماً تضیع

یالرباب الله الیــعیـــنچ فاگــده حسیــــــن الشفیع

وچنی بصوت المدامع هاک اخذ هــــــذا الجواب

******

هاک اخذ هاي الرساله وسولف الشیعة علي

ولا تنا شدنی علیـــــــــمن مال هودج محملی

انه وسکیـــــنه ورقیة بحیـــن صرنه بلا ولي

عا ینت وجنة رقیة وشفت زورگـــها الصواب

********

وعاینت متنین سکنه الزورگن من الضرب

من عگب حرگ المخیم ولله ضیعـنه الدرب

إشلون اهل الشیــم تقبل سلبونه بها لحرب

بلا ضره ووالي ومحامي والمن نوجه عتاب

********

حسین یاعین الگلادة الخیل تسحگله الضلوع

فوگ عرش الرمح راسه وعینه تسچب بالدموع

لاچن اعظم کل هظیـــــــــمه مخدراته اللي تلوع

ومثل ماسلــّبو سکنه سلبو منـــّه الثیــــــــــــاب

********

یاقلم صب المدامع نوح وانحــــــــب یا قلم

یا جرح تگدر توصفه وبیـــک تکتب یا الم

للربا ب حسین خیمه ومن بعد حرگ الخیم

یا فیاي الفي علیها وبل الشمس ظلت رباب

********

الهوسات:

حچایة وکل جمیع الناس خل المادرو یدرون

آمرمصطفی المختارغزوة وکلکم تحضرون

ضد خیـــبر یاهالإسلام لازم بیرغ اتشیلون

وکل واحد کون یشد حیله

*******

فزعو عالیهود رجال هیچی تسولف الأخبار

جنود مجنده وفرسان والقائــــــد نبی المختار

شافو حصن بي بیــبان من کبره الفکر یحتار

والوادم تصفگ بیــد یها

********

صاح بصوت ابوالزهراء یاهوالیوگف الهایة

الیوم النهـج والقــرآن منکم راد تچایــــــــــة

کل من راح رد فشلان لاچـــــن ظلت ارایة

مایگــــــدر واحد یدناها

********

هالرایة غدا یاناس لازم کلکم تشوفــــون

اسلمهه بچفوف الحید وانتم یومه تعرفون

احبنه ویحبني إهوای وایحبه الآه الکـون

وکل واحد منهم گال آنه

*********

حیدر عجب موموجود یوم والوغه ایعرفونه

واذاشبت لضه الکلفات بس حیـــدر یند بونه

ساعة وصوت لنه ایصیح حیدر رمد بعیونه

مایگدر یوگف بالحومه

**********

تبّسم مصطفی المختار لاکــــــــــن رافع چفوفه

گا للهم علی جیــــــبوه یمنه ولازم نشـــــــــوفه

اجه بکل شوگ ابوالحسنین جیه بروح ملهوفه

یم طاها ایقــّبل چفینه

***********

محمد شاف حامي الجارجیته بروح مشتاگه

لاکن هالرمد بالعیـــــن واید ضیّگ اخلاگه

مد إیده النبي المهیوب هیچی واخذ بریاگه

وبهدای امسحهه اعلی اعیونه

************

برت من الرمد عیناه لاکن نزلت الدمعه

علی جاه النبي المحمود عند الباری شوسعه

یبن العم تحزم گال حان الوکت للفزعه

یاحیدر گوم تعناها

***********

تچنه وگام ابو الحملات للکلفات شد حیله

درو عن من حچه المختار هذا الیرد کل عیله

خطفه وچنه مد الأید صوب الحصن ویشیله

تتلاعب بیده الصفاگه

**********

 

******

تروح فدوه الروس كلها المصرعك****ودمع زينب يوم صب لموادعـك

عرش اميّة اتضعضع وما ضعضعك****ونملت ذان الفــلك من صيحــتك

******

بـصيـحّـتك يحسين عززت النـفوس****وقدمت للدين مجموعة شموس

وذيچ خيل اعداك بضلوعك تدوس****الدين شد حيله ووگف من طحتك

******

هددوك اعداك وانت الما تهاب****وشمس مجدك ما يغطيها السحاب

انت بس دربك عدل غيرك سراب****وكل ضمير الحي شرب مي غيرتك

******

يا منارة العلت لعنان السمه****يا زلال الروّه بدمـــومه الضمه

عود نگدر نوفي مهجة فاطمه؟؟****ومن گدر يحسين يوگف وگفتك

******

ووگفتك يحسين هي وگفة شرف****لا اظن حتــّي الشرف بيها اعترف

شاع صيتك سيدي وبكل طرف****بيك تتباها الخلگ وبرايتك

******

رايتك وتظل ترف فوگ الفلك*****وبصدر تيارك اليوگف هلك

زلزليت الكون ابد ما زلزلت****النوب حتـّي الكون صار بخدمتك

******

بخدمتك يحسين املاك العرش****ودرب حبك كون بالدم ينفرش

والله ذانات الخلگ ماهن طرش****بس خباثه من العدا الماسمعتك

******

يا حسين انت الإبا ورمز الإبا ****وحبك من الله اكبر موهبه

نهجك الحگ والله راده وسببه****بيه عزة گومك وعز شي

******

احنه عاهد ناك هذا اكبر دليل****اليومك بعاشور ماصح كل مثيل

قسم نقسملك وحگ ذاك الكفيل****نضحي بالغالي و نحامي گبتك

******

والله حگها گلوب لوتزحف زحوف****لئن للحگ صلـّت اعليك السيوف

 

والله ما يبعـد طريج زيارتــك ****زحف نزحف يبواليمه الحضرتك

******

زحف نزحف سيدي ورغم الهوان****يامـلاذ الدنـيا كلها ويا امـان

و له ايضا

قصيدة حلم غبشه

*******

چنی طول ابطول نتمشه اعلی شطنه الأید بید

حلم غبشه وموبعید

**************

انت ریحة نخل حینه اللفلفه غبار الزمان

أنتِ حنیّة أهلنا السامحت عثر اللسان

انتِ عین الما تغیّض بیها بس الشوگ بان

أنتِ سمرة وکل سمارچ ندري معناه الحنان

وانتِ ثوب امنه العجوزة المعرفت نص الردان

أنتِ دله وسیف وعگال وعجید

چنی طول ابطول نتمشه اعلی شطنه الأید بید

حلم غبشه وموبعید

****************

انتِ أخت ذاک ایحّسب دوم جاراته الخوات

أنتِ زود البیه وبجاله خواته امأمنات

أنتِ عصابة اعلی شیله وبویمه وهوسة بنات

أنتِ نشمیة التنـّخت هلهلت بالمعضلات

أنتِ دمعة فرح لالت علی خدود المهات

أنتِ شهگة هله اولیدي الاگت الردمن بعید

چنی طول ابطول نتمشه اعلی شطنه الأید بید

حلم غبشه وموبعید

******************

أنتِ تذکار من أهلنا وأنتِ گعدات المضیف

أنت ِدمعات الغریب البات لیله اعلی الرصیف

أنتِ نسمات العذیبي الهبّت بمسوم خریف

أنتِ هلهوله بسلفنا الفززت حلمي اللطیف

أنتِ خوة بمالة الله وأنتِ عفة کل عفیف

آنه اشوفچ أنتِ وردة البالحسن نوعچ فرید

چنی طول ابطول نتمشه اعلی شطنه الأید بید

حلم غبشه وموبعید

*********************

أنتِ اُمنیة الجمیلة مدثرة بماضی السنین

أنتِ حسنچ کل جمالچ ینحسب دُر الثمین

أنتِ شَعره من الجدایل ناگعة بعرگ الجبین

أنتِ گلب الأم لبنها الیمطر أشواگ وحنین

أنتِ شَذرة محبس العِز لایگه بچف الیمین

أنتِ والله گلادة حلوة البالمشي تلاعب الجید

چنی طول ابطول نتمشه اعلی شطنه الأید بید

حلم غبشه وموبعید

********************

أنتِ من دنیا المحاسن حاویةعیون الغزال

أنتِ بعیون الطبیعة انمثلچ نسمة شمال

أنتچف دافي اللمسة وأنتِ لضماي الزلال

أنتِ سچة ودرب صافي شلون اعوفنچ محال

أنتِ موجة شط صفنتي اللاعبت جُرف الخیال

أنتِ عین الدنیا عینچ بیها الگه شما أرید

چنی طول ابطول نتمشه اعلی شطنه الأید بید

حلم غبشه وموبعید

*************************

أنتِ حنطة وملح گاعي وسنبله وگطرات دیم

أنتِ چف فلاح نشمي البیه أثر تعب القدیم

أنتِ فطرة البالنوایة تعشعش بگلب السلیم

أنتِ سالوفة حبایب یاورت شفة ندیم

أنتِ گربچ فرح زفة وبُعدچ نسمیه ظیم

أنتِ یا صفنة الطویلة مطرزة بمطلع قصید

چنی طول ابطول نتمشه اعلی شطنه الأید بید

حلم غبشه وموبعید

************************

لا تنشدینی اعلی حالي منین أجیت منین أعود

آنه کل ساعة اعلی ساعة هموم دلالي تزود

آنه مامرتني فرحة ولاشفت لحظة سعود

آنه بسمه اعلی الشفایف نِکتت ویاها العهود

وآنه لو مامرني طیفچ عگبه شلـّي بهالوجود

بعد هم اگعد واتاني وجیتچ لعیونيِ عید

چني طول بطول نتمشه اعلی شطنا الأید بید

حلم غبشه ومو بعید

******************************************* 

 



منبع : radood[dot]blogfa[dot]com[slash]post-7[dot]aspx

مدائح نبویه شعراء المحمره, فلاحیتي أبوذيات الملافاضل ,

تبلیغات


تبلیغات

تبلیغات
مطالب تصادفی

تبلیغات